Kryetari Mustafa përkujtoi veprimtaren e shquar, Nekibe Kelmendi

Prishtinë, 19 qershor 2018

Kryetari i Lidhjes Demokratike të Kosovës, Isa Mustafa, ka përkujtuar sot veprimtaren e shquar kosovare, nënkryetaren e LDK-së, Nekibe Kelmendin, në 7 vjetorin e ndarjes nga jeta.

Duke vlerësuar rolin e Nekibe Kelmendit, kryetari Mustafa veçoi kontributin e saj të shquar në ndërtimin e shtetit të Kosovës, përkundër sfidave të shumta me të cilat e përballi jeta.

“Nekibe Kelmendi ishte një personalitet i jashtëzakonshëm, një intelektuale e madhe, një veprimtare e dalluar por mbi të gjitha një person i kompletuar që e donte Kosovën dhe qytetarët e saj.

Nekibja jetoi, punoi dhe dha gjithçka për Kosovën, pa u dorëzuar për asnjë moment, duke u shndërruar në simbol të sakrificës dhe të përkushtimit të gruas kosovare në epokën e fitimit të lirisë dhe ndërtimit të shtetit të pavarur.

Duke përkujtuar Nekibe Kelmendin, nderojmë të gjitha gratë, nënat, veprimtaret dhe aktivistet kosovare, që ishin bartëse të paepura të sakrificave dhe të fitores së popullit të Kosovës mbi të keqen”, shkruan kryetari Isa Mustafa.

LDK – Zyra për Informim

Leave a Reply

Your email address will not be published. Required fields are marked *