Kryesia e LDK-së bën homazhe te varri i Fehmi Aganit

Në 20 vjetorin e vrasjes së Heroit të Kosovës Fehmi Agani, Kryesia e LDK-së ka bërë homazhe dhe ka vendosur kurora lulesh te varri i tij.

Në emër të Kryesisë së LDK-së, ka folur Sekretari i Përgjithshëm z. Ismet Beqiri i cili ka vlerësuar lartë figurën e veprimtarit Fehmi Agani.

“Akademik Fehmi Agani ishte i zgjuar dhe intelektual i cili u vra nga dora kriminale serbe.

Ai ishte bashkëpunëtorë i Presidentit Historik Dr. Ibrahim Rugova. Tërë jetën ia kushtoi shtetoformimit të Kosovës. Mungesa e tij vërehet nëpër institucionet tona. Ka lënë gjurmë të thella”, ka thënë ndër të tjerash z. Beqiri.

Lavdi jetës dhe veprës së atdhetarit, Akademik Fehmi Agani.